गजल
-राजेश्वर ढकाल
दशै तिहार् धेरै भयो हाँस्खेल् गर्न पाको छैन
आशिष् थाप्दै मान्यजन्का हात्को टिका लाको छैन
दशै खर्च पठाउनु हुन्न भनी सोध्छीन् प्यारी
महिना त मरी सक्यो तर तलब् आको छैन
हुने खानेहरु यहाँ रम्झममा लागि सके
हामी जस्ता गरिबको आँगनीमा छाको छैन
सबै सँग मिलिजुलि मनोराजन् गर्ने बेला
पर्देशमै बस्नु पर्दा मन्मा शान्ति भाको छैन
सांस्कृतिक सद्भावको महान् चाड हाम्रो दशै
मान्न छाडि पाश्चात्यको पछाडि म गाको छैन
Advertisement
