मुटुकोकुनामा नेपाली गजलहरु

गजल

August 22, 2009 at 6:03 pm (Uncategorized)

– लेखराम सापकोटा

मुटु चुडेर गयौ खबर कहाँ बाट पाउनु
भोको जवानीका रहर कहाँ बाट पाउनु

कहाँ देख्यो नदीले संगै कोही रोएको
छेवैमा हाँसेको बगर कहाँ बाट पाउनु

जल्छ मुटु बेसरी सम्झु कसरी त्यो दिन
आँशु नबगेका नजर कहाँ बाट पाउनु

कसरी बांधिन सक्छु अर्कैको अंगालोमा
मेरो मुटु हौ तिमी बदर कहाँ बाट पाउनु

छैन कुनै बन्देज जे गरेनी तिमीले
मर्छु बरु म आफै जहर कहाँ बाट पाउनु
           दुबई, संयुक्त अरब इमिरेट्स